【轉載】
黃絲獨女舉家移民英國，藍絲老父：臨老無人養，無人收屍，好陰功！
https://m.facebook.com/story.php?story_fbid=10157910138916987&id=724396986
黃絲仔女移民割席，藍絲父母絕望哭訴，阿仔：大把警察契仔照顧佢地啦！
當一家四口，父母藍，仔女黃，Nancy get lose 就會陸續而來。
前晚，客人 A 先生 whatsapp call 我，話係英國搵到工，同我報個平安。
A 先生二十出頭，岩岩畢業，父母係藍絲，阿媽仲係藍到黑，經營兩餸飯生意，姐姐係黃絲，做醫護，一家四口黃藍參半。
以前，A 先生同姐姐去遊行，父親會話：又去做埋 d 無謂野呀！你地醒下啦！唔好俾人利用呀！
母親仲話：你地着到成身黑忟忟出去搞事，俾警察打死都係自己攞黎！抵死！
父母經營兩餸飯生意，母親見到警察特別興奮，會主動幫警察加餸：「阿 sir，兩個餸唔夠架！要埋 d 蒸蛋同菜丫！」然後佢拎一個外賣盒，盛滿餸菜，再送多一個例湯俾警察：「阿 sir，返去慢慢食呀！食好 d 先有氣有力拉暴徒架！」「加油！支持你地！香港好彩有你地，唔係就俾 d 黃絲同暴徒搞亂哂！」「香港無左警察唔得架！」
A 先生：我見到佢對住警察恰熟狗頭果個樣，真係作嘔！
去年，A 先生姐姐已經移民加拿大，同加拿大藉男友過新生活。A 先生太年輕，無 BNO，唯有暪住父母，申請 Working Visa 「青年流動計劃」(工作假期) 到英國。
早前，A 先生搵我批八字，算算佢幾時起行比較好，佢係英國從事咩工作比較好。佢話我知，要三千英磅左右先可以申請成功，仲有生活費，佢要儲夠錢先起行。
原來，A 先生和姐姐約定，姐姐到達加拿大後，仍然同父母保持聯絡，以免他們生疑，阻止 A 先生離開。A 先生一到英國，兩姐弟就會同藍絲父母割席。
我建議 A 先生搵朋友幫手，盡快離開，避免節外生枝。A 先生岩岩畢業，父母就話：阿仔去考警察啦！人工高，福利好，又可以維持正義！好好丫！快 d 去考啦！
A 先生左推右推，但係佢深知必須盡快離開。幾經辛苦，佢終於籌到六千多英磅，立即訂機票離開，完成移民大計。
為左唔俾父母知道，A 先生將一半行李交俾朋友託管，佢係父母工作時出發，同父母講同朋友去長洲玩兩三日。
A 先生憶述，同朋友係機場道別時，佢唔敢聽母親電話，只可以用 whatsapp 通訊。A先生同朋友一一擁抱道別。剛轉身，佢已經淚流滿面：我好唔捨得香港，好掛住香港……
當父母以為 A 先生仲係長洲玩緊既時候，A 先生已經到左英國。A 先生同姐姐報平安後，第二日打電話俾母親，母親先知呢件事。
母親聲都震埋：阿仔，你係咪講笑咋？你點會係……英國架？你唔係……去長洲玩咩？
A 先生冷笑一聲：對唔住，我真係係英國。果 d 長洲相，我一早影定呃你架。我俾你睇……
A 先生 send 左幾張相，包括機票，同朋友既合照俾母親睇。母親晴天霹靂，喊住話：唔會架！唔會係咁架！我唔信……點會咁架？
A 先生：阿媽，你唔信可以打俾姐姐問。佢都知。
母親：下？姐姐都知！
A 先生馬上 cut 線，用另一部電話同姐姐聯絡：已經同佢地講左啦。
母親喊住打俾姐姐問清楚，姐姐話：係呀，佢真係係英國。
放心啦，阿媽。依家我地兩個「暴徒」同「黑醫護」走左，你地咪唔會篤眼篤鼻囉！
母親聲音沙啞咁講：我地養到你地咁大……點解你地要咁做呀？
係電話旁邊既父親大嗌：點解你地咁忍心扔低我地呀？
姐姐：喂喂……我做緊野……拜拜！
講到呢度，A 先生語帶哽咽：我同姐姐終於可以離開呢對藍絲父母啦！由佢地話想我地俾警察打死果一刻，佢地就預左有今日。
A 先生補多句：依家我地呢 d 「黃絲」走左，唔使篤眼篤鼻，佢地不知幾開心啦！
放心啦！佢地日日咁好餸俾 d 警察，以後大把警察契仔照顧佢地啦！
我：依家你父母「求仁得仁」，你應該同姐姐開香檳慶祝啦！
A 先生：使你講咩，一早開左啦！
「你走你的陽關道，我走我的獨木橋。」藍絲父母，既然黃絲仔女去到英國，搵唔到工做，又買唔到樓，仲會俾人種族歧視，你地咪當生少個囉！反正香港有你地建設就夠啦，係咪？
沒有留言:
張貼留言