【各位家長睇路】楊潤「紅」的驚人邏輯！
楊潤雄在《在晴朗的一天出發》回應教育局去信全港學校，禁止唱政治歌、罷工同罷課：
主持：邊首政治歌唔得？
楊：邊首睇發展啦，可能遲啲又有新歌，學校自己會知，我哋出面的人冇得講邊首唔得。
主持：《願榮光歸香港》一定唔得？
楊： 呢首好明顯係政治宣傳的歌。
主持：在音樂比賽唱《孤星淚》呢？呢首有革命背景。
楊：你就咁問我，我自己睇，我會覺得，但當然要睇環境，宗旨係佢做呢樣嘢會否干預校園、影響學生情緒、令佢參與活動，就係政治宣傳。
主持： 如果學生唱熱愛基本法呢？
楊：佢熱愛基本法不是一個政治行為，是每個人應有的行為，正如好似孝順父母，這不是政治宣傳，是法治行為，是必須要做的嘢。
主持：咁佢宣傳國安法呢？
楊：如果呢個係法津，我哋要幫佢守法，這是應有的態度，這不是政治的行為。
主持：所以支持不是政治，反對就是政治？
楊：社會上在這呢方面有好多聲音，我唔想學生做敏感討論，政府在立法後就會教，呢個時間唔贊成學生做推廣。
主持：林鄭話絕大部分人贊成立法，起碼你肯講社會有唔同意見。
楊（知道賴嘢）：你問我，我都相信絕大部分香港市民支持，但的確有少部分人有恴見。
主持：基本法講明有罷工自由。
楊：罷工要關乎佢服務條件，影響薪酬、僱傭關係，老師因為政治原因，咁學生點呢？
主持：任何行業罷工都會影響其他人喎。
楊：老師為了個人信念或理由而將學生利益不顧係有問題。
主持：咁各行各業都唔應該罷工。
楊：如果你三位突然罷工點算，咁呢個鐘頭點算呢，貴台都要同你哋跟進。
#介紹返
#仔女去哂外國讀書嘅
#香港教育局局長
沒有留言:
張貼留言